តើអ្នកទាំងអស់គ្នាគឺជាមនុស្សដែលឧស្សាហ៍ប្រើប្រាស់ស្មាតហ្វូនជាប្រចាំមែនដែររឺទេ? តើក្នុងមួយថ្ងៃ អ្នកចំណាយរយៈពេលប៉ុន្មាននាទី រឺប៉ុន្មានម៉ោងក្នុងការប្រើប្រាស់ទូរស័ព្ទរបស់អ្នក? ឥលូវនេះ យើងអាចតាមដានរយៈពេលនៃការប្រើប្រាស់ iPhone យើង បានកាន់តែមានភាពងាយស្រួលហើយ ជាមួយនឹងកម្មវិធីថ្មីដែលមានឈ្មោះថា Moment ហើយវាក៏អាចក្រើនរំលឹកអ្នកផងដែរ កុំអោយចំណាយប្រើប្រាស់ទូរស័ព្ទយូរ។
.jpg)
គុណសម្បត្តិដ៏ខ្ពស់មយរបស់កម្មវិធីនេះគឺដើម្បីត្រួតពិនិត្យមើលថា តើអ្នកគឺជាមនុស្សដែលញៀននឹងទូរស័ព្ទដល់កម្រិតណាទៅ? ប្រសិនបើជាអ្នកដឹងលទ្ធផលហើយ អ្នកគួរតែមានវិធានការ ដើម្បីចាកចេញពីភាពឈ្លក់វង្វេងនេះភ្លាមទៅ ព្រោះអីការចំណាយពេលវេលាជាមួយទូរស័ព្ទយូរគឺផ្តល់នូវគុណវិបត្តិច្រើន ខាតបង់ពេលវេលា ហើយក៏ខាតបង់សុខភាពផងដែរ។
ក្រៅពីអាចតាមដានរយៈពេលនៃការប្រើប្រាស់ iPhone, iPad របស់យើងហើយ កម្មវិធីនេះក៏អាចកត់ត្រាពីទីតាំងណាមួយដែលយើងបានទៅជារៀងរាល់ថ្ងៃផងដែរ ហើយវានឹងដៅចំណុចបញ្ជាក់នៅលើផែនទីតែម្តង។ មុខងារនេះមានអត្ថប្រយោជន៍ច្រើន ព្រោះអីវាជួយប្រាប់ពីទាំងដាក់ដែលយើងធ្លាប់តាំងនៅ ចៀសវាងការវង្វេងផ្លូវ រឺក៏ជួយយើងនៅពេលដែលយើងជ្រុះបាត់អ្វីមួយជាដើម។
កម្មវិធី Momment នេះនឹងដើរដោយស្វ័យប្រវត្តិ ហើយតាមដាននូវរាល់ការប្រើប្រាស់ និងទីតាំងរបស់យើង ដូច្នេះវាអាចនឹងស៊ីថ្មទូរស័ព្ទអ្នកបន្តិចបន្តួចខុសពីធម្មតា។ កម្មវិធីនេះបានដាក់អោយដោនឡូដដោយឥតគិតថ្លៃទេ ក៏ប៉ុន្តែបើយើងចំណាយ 1. 99$ បន្ថែមទៀត យើងនឹងទទួលបានមុខងារក្រើនរំលឹកមួយទៀត ជួយអោយយើងដឹងពីការប្រើប្រាស់ទូរស័ព្ទហួសប្រមាណ។
តើអ្នកទាំងអស់គ្នាពេញចិត្តនឹងកម្មវិធីដ៏អស្ចារ្យមួយនេះដែររឺទេ? សូមសាកល្បងប្រើប្រាស់ទាំងអស់គ្នាណា ហើយរង់ចាំតាមដានមើល ថាតើយើងចំណាយរយៈពេលប៉ុន្មានម៉ោងក្នុងមួយថ្ងៃ ដើម្បីលេងហ្គេម ប្រើប្រាស់ហ្វេសប៊ុក រឺក៏ប្រើប្រាស់អ៊ីនធឺណែត? ប្រសិនបើចំនួននេះវាច្រើនជាង 2ម៉ោងកន្លះ អ្នកទាំងអស់គ្នាគួរតែកាត់ បន្ថយហើយ។
0 comments:
Post a Comment