ចាងហ្វាងផលិតកម្ម LD Picture លោក លៀក លីដា បានបញ្ជាក់ថា នេះគឺជារឿងបែបកំប្លែងថ្មីមួយទៀត របស់ផលិតកម្មបន្ទាប់ពីខ្សែភាពយន្ដ មួយចំនួនដែលបានដាក់បញ្ចាំងនិងទទួល បានការគាំទ្រខ្ពស់ពីទស្សនិកជន ។ លោក ប្រាប់ថា ខ្សែភាពយន្ដនេះដឹកនាំនិងនិពន្ធ រឿងដោយតារាកំប្លែងនាយ ពែកមី និង ចូលរួមសម្ដែងដោយតារាកំប្លែងនិង តារាសម្ដែងល្បីៗ ។ លោកប្រាប់ថា រឿង នេះនឹងក្លាយជារឿងដំបូងគេដែលនាយ ពែកមីចូលរួមសម្ដែងផងនិពន្ធផងនិង ដឹកនាំរឿងផង ។ លោកបានបង្ហាញពីជំនឿ ជាក់ថា ខ្សែភាពយន្ដនេះនឹងអាចទទួល បានជោគជ័យហើយលោកក៏ជឿជាក់ទៅលើសមត្ថភាពនិពន្ធនិងដឹកនាំរឿងរបស់តារាកំប្លែងដែលកំពុងតែមានប្រជា ប្រិយភាពនេះ ។
លោកប្រាប់ថា តាមរយៈការពិនិត្យ ឆ្អឹងរឿងនិងធ្លាប់ធ្វើការងារជាមួយនាយ ពែកមីនោះគុណភាពរឿងនេះនឹកកាន់តែទាក់ទាញការចាប់អារម្មណ៍ពីទស្សនិក ជនដោយលោកមិនបានបញ្ជាក់អំពីទុន ចំណាយក្នុងការផលិតខ្សែភាពយន្ដថ្មីនេះទេ ប៉ុន្ដែពេលវេលានៃការផលិតប្រមាណ ជា២ខែ ហើយរឿងនេះអាចនឹងត្រូវដាក់ បញ្ចាំងក្នុងអំឡុងពិធីបុណ្យអុំទូកខាងមុខ នេះ ។
តារាកំប្លែងនាយ ពែកមី បានបញ្ជាក់ថា រឿង“បងប្អូនពីរនាក់”(Two Brothers) នេះគឺជារឿងដែលលោកមានគំនិតនិពន្ធយូរមកហើយដែរហើយបានពិភាក្សាជា មួយអ្នកគ្រប់គ្រងផលិតកម្ម LD Picture ដើម្បីផលិតរឿងនេះឡើង ។ លោកប្រាប់ ថា រឿងកំប្លែងនេះនឹងបរិយាយអំពីជីវិត កំលោះជនបទ២នាក់ដែលចង់ស្ដីដណ្ដឹងកូនគេ ប៉ុន្ដែគ្មានលទ្ធភាពរហូតខិតខំផ្សង ព្រេងស្វែងរកការងារធ្វើនៅទីក្រុង។ លោកបញ្ជាក់ដែរថា វាគឺជាលើកដំបូង សម្រាប់ការចេញថតខ្សែភាពយន្ដ បើទោះបីជាលោកប្រឈមនឹងបញ្ហាមួយ ចំនួនដែលលោកមិនធ្លាប់ជួបប្រទះក្ដី ប៉ុន្ដែតាមរយៈការជួយជំរុញលើកទឹកចិត្ដនិងបង្ហាត់បង្រៀនពីអ្នកផលិតពីមុនៗ រួមផ្សំនឹងគំនិតផ្ដួចផ្ដើមនិងបទពិសោធន៍ នោះលោកជឿជាក់ថាខ្សែភាពយន្ដនេះ នឹងទទួលបានការគាំទ្រច្រើនជាក់ជាមិនខាន ។ លោកសន្យាថា នឹងខិតខំប្រឹង ប្រែងឱ្យអស់ពីលទ្ធភាពដើម្បីផលិតខ្សែភាពយន្ដប្រកបដោយគុណភាពសម្រាប់ទស្សនិកជនសើចកម្សាន្ដ ។
នាយគ្រឿនដែលទើបនឹងដាក់ភាគ ហ៊ុនមួយផ្នែកនិងជាតួសម្ដែងក្នុងខ្សែ ភាពយន្ដនេះដែរបានបញ្ជាក់ថា លោក ត្រូវសម្ដែងជាតួអង្គសំខាន់មួយក្នុង ចំណោមបងប្អូនពីរនាក់ហើយរឿងនេះ លោកសម្ដែងជាតួអង្គបែបភ្លើៗឡប់ៗ។ លោកបញ្ជាក់ថា រឿងដែលបងប្រុស លោកនិពន្ធនិងដឹកនាំសម្ដែងនេះអាច នឹងក្លាយជាខ្សែភាពយន្ដកំប្លែងមានប្រជា ប្រិយភាពមួយប្រចាំឆ្នាំនេះ ព្រោះមាន ការចូលរួមសម្ដែងច្រើនពីក្រុមអ្នកកំប្លែង ជាច្រើននិងអ្នកបច្ចេកទេសដែលមាន បទពិសោធន៍ខ្ពស់ ។
គួរបញ្ជាក់ដែរថា ខ្សែភាពយន្ដនេះនឹង ចូលរួមសម្ដែងដោយតារាប្រុសស្រីល្បី ឈ្មោះជាច្រើនរូបមាន នាយពែកមី, នាយគ្រឿន, កញ្ញា ពៅ លីដា, នាង ខ្ញុង, កញ្ញា ហេង ស្រីពេជ្រ, នាយប៊ូម, នាយ ចឺម, កញ្ញា វ៉ាន់ វល័ក្ខជាដើម ៕
0 comments:
Post a Comment