ប្រធានស្តីទីគណបក្សសង្គ្រោះជាតិ លោក កឹម សុខា
សាលាដំបូងរាជធានីភ្នំពេញ នៅថ្ងៃព្រហស្បតិ៍នេះ ចេញដីកាកោះហៅលោក កឹម
សុខា ប្រធានស្តីទីគណបក្សសង្គ្រោះជាតិ
ចូលសួរក្នុងនាមជាមេដឹកនាំគណបក្សនៅសប្តាហ៍ក្រោយនេះ ករណីហិង្សានៅក្បែ
រទីលានប្រជាធិបតេយ្យដីកាកោះនេះ ធ្វើឡើងនៅថ្ងៃទី១៦ ខែកក្កដា ឆ្នាំ២០១៤នេះ ចុះហត្ថលេខាដោយចៅក្រមស៊ើបសួរ លោក កែវ មុនី។ ក្នុងដីកាកោះនោះ បញ្ជាក់ថា អញ្ជើញ លោក កឹម សុខា ដែលជាអ្នកទទួលខុសត្រូវក្នុងនាមជាមេដឹកនាំគណបក្សសង្គ្រោះជាតិ ចូលទៅសាលាដំបូងរាជធានីភ្នំពេញ ជាន់ទី៣ បន្ទប់ គ នៅថ្ងៃទី២៥ ខែកក្កដា ឆ្នាំ២០១៤ វេលាម៉ោង ៨:០០ ព្រឹក ដើម្បីសួរបញ្ជាក់ក្នុងនាមជាមេដឹកនាំគណបក្សសង្គ្រោះជាតិ។
ក្រោយពីមានការចេញដីកាកោះនោះ គណបក្សសង្គ្រោះជាតិបានចេញសេចក្តីប្រកាសព័ត៌មានមួយនាព្រឹកថ្ងៃ ព្រហស្បតិ៍នេះ ជម្រាបដល់សាធារណជន តំណាងទូត និងអ្នកសារព័ត៌មាន ជាតិ-អន្តរជាតិ ចូលរួមសង្កេត និងឃ្លាំមើលផងដែរ។
ទន្ទឹមនឹងនេះ តាមរយៈបណ្តាញសង្គមហ្វេសប៊ុក ប្រធានស្តីទីគណបក្សសង្គ្រោះជាតិ លោក កឹម សុខា ក៏បានអំពាវនាវឲ្យសាធារណជនចូលរួមតាមដានសា្ថនការណ៍ និងឃ្លាំមើលដំណើរការសាកសួររបស់លោក ។
ជាការកត់សម្គាល់ ដីកាកោះហៅលោក កឹម សុខា គឺធ្វើឡើងបន្ទាប់ពីបេក្ខជនតំណាងរាស្ត្រជាប់ឆ្នោតគណបក្សសង្រ្គោះជាតិ ៥រូបទៀតកំពុងស្ថិតក្នុងពន្ធនាគារព្រៃសរង់ចាំសវនាការ៕
0 comments:
Post a Comment